31.10.02
Það fer í mig þegar fólk segir djöfull græddi ég núna. Ég græddi 20 þúsund krónur, sko sjónvarpið/DVD-spilarinn/GMS-inn/bíllinn/hvaðeina/draslið sem ég keypti átti að kosta milljón en kostaði nú 980 þúsund. Djöfull græddi ég 20 þús. kall.
Þá langar mann að spurja en taparðiðu ekki 980 kallinum eða hvað eina. Má ég sjá þennan 20 kall sem þú græddir. Hva ... lögðu þeir þetta inná reikninginn þinn. Í þessum kringumstæðum ætti fólk að mínu viti að segja. Hey, hey ég sparaði mér 20 þús. en þurfti að blæða tæpri milljón eða hvaðeina sem það var. Þá má ég segja með stolti fíflið þitt...
Hér koma tveir hlekkir. Njótið:
I II Það er visst þema sem svífur yfir vötnum það er ykkar að ráða fram úr því hvert þemað er. Maður má ekki vera of góður við ykkur börnin góð og smá. Því sjaldan launar kálfurinn ofeldið og þangað leitar klárinn sem hann er barðastur eða hvurnig sem það máltæki er.
Snilld. Já, kínversk snilld. Hver man ekki eftir teiknimyndum sem kölluðust skot og mark. Teiknimyndir um knattspyrnu sem voru því skemmtilega marki brenndar að hunsa öll lögmál knattspyrnunnar. Nú er komið að snilldinni, eftirvæntingunni fer senn að ljúka. Ég gerðist svo kræfur að fara á kvikmyndina Kung Fu Soccer í góðra vina hópi. Byrjunin var ekki sem best 800 kall fyrir að sitja í sal 3 í Regnboganum, með smá Tal fiffi voru það reyndar 400 krónur [innskot ritstjórnar: krónur er mun virðulegri en kall], en það skiptir engu því frá fyrstu stundu dundi á manni snilldin, döbbuð kínversk mynd. Gleði í frásögn, glæsilegar tæknibrellur og rosalegasti fótbolti sem sést hefur, sem nær hámarki þegar lið Kung Fu Soccer mætir Team Evil í úrslitum China Cup mótsins. Brögðin sem drengirnir í skot og mark beittu bliknuðu og fölnuðu í senn við það sem sást á hvíta tjaldinu. 3 og 1/2 stjarna af 4 fær þessi mynd. Ég freistast til að bæta hálfri stjörnu við fyrir eftirfarandi senu:
"Do you love me?" -"No!" "You gotta be kidding!" 30.10.02
ég vil þakka sjálfum mér fyrir að vera fjögurþúsundasti gesturinn á Vefleiðara Ellans. Það er mér mikill heiður vissulega er það mikill áfangi hjá Vefleiðaranum en ekki síður hjá mér. Má færa rök að við séum sameiginlegir sigurvegarar, þrátt fyrir að vera sami maðurinn. Ég var eitt sinn bara Vefleiðarinn en áður var ég, ég. Nú er ég bæði ég og Vefleiðarinn. Ég vildi glaður halda áfram en þar sem ég missti af lithium sprautunni í seinustu viku er best að missa ekki af þessari. Bið að heilsa í bili. 29.10.02
Það var viss fiðringur um alla borgina síðastliðna helgi. Mannlíf næturinnar var ekki samt við sig. Auk þess sem möru þema helgarinnar var ekki að leggjast vel í menn. Að óútskýrðu máli held ég för minni áfram. Föstudagskvöldið leið sem von var og voru hjúkkur heimsóttar á bjórkvöld. Síðan lá leið í bæ. Merkilegt hvað bærinn var tómlegur. Var eins og æska þessa lands þyrði ekki um öngstræti Reykjavíkur enda mikil og hryllileg ófreskja þar á sveimi. Ron Jeremy sjálfur. Það var eins og þetta kvöld væri dæmt til að missa marks. Verst var þegar kollegi benti mönnum of seint á að þar færi Roninn um stígandi upp í limósínu með bráð kvöldsins ... hreina mey sem einskis ills ætti von á. Lagðist þá fyrri maran yfir. Þemahelgin var komin á fullt. Það sem bjargaði laugardegi var snilldar Aktu Taktu borgari, tvöfaldur, franskar og kók. Vatn kemur í munninn.
Kvöld tvö. Að vinnu lokinni töluðust tveir menn saman hálf daufir í bragði en tókst að mana hvorn annan upp í dagamun, næturmun öllu heldur. Hafði ljósgjafinn samband og var boðið til snilldar. Ghanapartýs á Tour de chambres... hvað meinar maðurinn ... Snilldin tók völdin rythmískir tónar og danskennsla á heimsmælikvarða og nóttin varð manns. Píanóbarinn heimsóttur og jafnskyndilega yfirgefinn. Dýr bjór! Kvöldið leið fólk ekki eins hrædd við Ron-eskjuna... heimildir herma að nokkrar meyjar hafa orðið bráð hans þetta kvöld á Kauffélaginu. Annað Ron-lausa kvöldið einmana manns í bænum. En kvöldið leið átakalaust fyrir sig en svo var það seinni maran. Hvernig það endaði veit nú enginn en Aktu Taktu var lokað (lokar klukkan 5) svo kebab tekinn, svo heim. Vinna sunnudagskvöld, að sumu leiti mygluð, samstarfsstúlka tekin í guðatölu. Hitti Ron-inn en slapp óhullt. Hún kom meira að segja við Ron ... og mörunni létti. 28.10.02
Vísidómur Tom "the Tiger" Jones er óþrjótandi speki hans og vísi. Hjartað tók kipp þegar grein í fréttablaðinu var lesin í góðu tómi. Tígurinn var ósáttur við að konur tækju upp á því að koma með hreina naríur á tónleika sína. fannst honum felast viss höfnun í því. Hann legði alltaf allt sitt í sýninguna en nú tækist honum ekki að bleyta svo í áhorfendum sínum að þær þyrftu að losa nærbrækurnar og henda upp á svið.
Talandi um Tom, þá vil ég láta gullkorn meistarans fljóta með. "To live for to day and to love for tomorrow is the wisdom of a fool. Because tomorrow is promised to no one You see, love is that wonderful thing that the whole wide world needs plenty of and if you think for one minute that you can live without it you are only fooling yourself" 25.10.02
Ég hef tekið eftir því að kollegi minn og trúbróðir, Sveinn gerir margar sinna bestu færslna um miðjar nætur og langt fram á morgna. Allar ahns færslur erumeð eindæmum lífgandi og góðar en finnast mér "myrkr"verkin hans ef svo má kalla bera af.
Í öfund minni langar mig að leika hans bragð eftir það er að skrifa bráðsmellna færslu ... hvernig fer maður að því ... það er að skrifa hana um miðja nótt. Núll tilgáta mín væri sem sagt að skrif eftir miðnætti eru léleg. Er ekki viss en það eina sem að ég hef lært að núll tilgáta er sett fram til að afsanna hana hve gáfulegt sem það kemur fyrri sjónir. Enda hefi ég aldreigi staðið mig með sóma í tölfræðilegum útreikningum og þankagangi. Í hvert sinn sem ég neyðist til að hlusta á einhverjar slíkar útleiðslur er sem að æðra vald taki um hvern einasta taugung líkama míns og kreysti úr honum lífsviljann og allan þann sársauka og vanmátt sem í manninum býr. nú er ég orðinn þreyttur og það eina sem stendur eftir að mér tókst ekki að afsanna núll tilgátuna með skrifum mínum. Ansans. 24.10.02
Myndin af Mikka sést ekki og er ver. Það verður lagað áður en ég gifti mig, eins og kellingin sagði alltaf. Reyndar sagði kellingin það batnar áður en ég gifti mig. Var hún þá elliær þjökuð af gigt eftir áralangt erfiði við rækjuna á færibandinu. Kellingin var hörku kvendi, lét sér fátt fyrir brjóstið brenna og hefði hún fengið sittt fram hefði hún borið börnin standandi við færibandið. Eftir sextán tíma vaktirnar þurfti að ala upp börn elda oní kallinn og halda heimilið. Þetta var hörku kelling. Nú ekkja til 30 ára. Þegar kallinn féll frá úr hjarta og æðasjúkdómi einhverjum, sem betri menn eru færari að nefna. Var ofeldið að skila sér þar, kerlingu varðaði minnst um það. Ekki kenndist hún við karlmenn eftir það reyndar runnin af besta skeinðinu. Hafði hún að orði að halda karl, slíkt væri nóg einu sinni. Ég hylli þessa kerlingu. Þær eru ekki lengur gerðar á þennan mátann. Hvernig er nú komið fyrir þjóð vorri. 23.10.02
Þessi mynd af Mikka Mús stendur mér alltaf nærri. Hún segir svo margt án þess þó að vera móðgandi og særandi. Hvernig getur Mikki gert nokkuð slíkt. Við höfum alist upp við heiðvirði hans og myndugleik. Mér líður alltaf vel þegar ég sé myndina.
Þetta er vinsamleg og föðurleg áminning. Nú líður mér vel og ég stefni að því að bæta mig sem manneskju. 22.10.02
Stjórnunarstörf eru höfuðverkur þeir sem eiga að lúta stjórn kunna ekki að meta hlutskipti sitt. Þeir verða oft ósáttir. Guð skapaði súru eplin til þess að bíta í. Ég tjái mig ekki meir um þetta mál. Njótið hinna súru epla. Mér finnast þau að minnsta kosti góð.
Haustferð læknanema er aflokið var mikið glens og gaman. Ekkert grín, slíkt væri ennfremur óviðeigandi. Það er hættulegt við svona feriðir að oft er serveruð bolla, áfeng til áréttingar svo að þeir sem lesi falli ekki í gryfju misskilnings. Bollur eru góðar að mörgu leiti fela þær oft bragð áfengis sem er þeirra ða gera. Hinn mikil galli er að sá eini er veit styrk bollunnar er sá sem bruggar. Nú brenndi ég mig á því oftar sem ekki að taka ekki inn í allar þær tegurjöfnur og helmingunarúttreikninga að ég veit ekki styrk áfengis. Koma þá nálganir sem oft eiga ekki við rök að styðjast.
Þessi færsla er ekki til að útlista Vefleiðarann sem drykkjumann mikinn, sem hann er ekki. Einungis hóflegur drykkjumaður gæti hann talist. En færsla þessi er til að undirstrika mikilvægi þess að fylgjast með og þekkja innbyrt magn áfengis til að fyirirbyggja ástand það sem Vefleiðarinn þekkti í dag, þ.e. annar dagur þynnku. Ástand sem telst miður gott. Það er mitt gustukaverk að koma þessari vitneskju á framfæri. Nú mun vefleiðarinn ganga hokinn af reynslu til hvílu sinnar. 18.10.02
Naflaskoðun. Það er hollt að framkvæma naflaskoðun reglulega líta í eigin barm sjá hvað má betur fara og hvað er gott á hverjum tíma. Til dæmis á þessari stundu er ég með hreinan nafla. Ekki vottur af ló eða skít. Það vottar ekki fyrir exemi eða þurrk. Ég þori samt ekki að lykta úr naflanum. Ég er sáttur við þessa naflaskoðun og segi batnandi manni er best að lifa.
Ég ætla leiðrétta færslu mína frá í gær. Í fyrsta lagi þá eru hraðhindranirnar 11 ég gleymdi að telja eina. Í öðru lagi er kaflinn ekki 1200 m heldur 1100 m. Ég biðst forláts! 16.10.02
Ég ætlaði að skrifa um að þeir sem næmu fræði lækna og líkna næðu fyrr og frekar Nirvan eða uppljómun en þeir sem leggðu stund á annað nám í ljósi þess að grunn nám í fræðum líkna tekur 6 ár. Eftir annan eins tíma á skólabekk eru margir komnir með masters gráður eða langleiðina komnir þangað. Ekki trufla mig með upptalningum hvar námið tekur lengri tíma. En Borgarstýran gekk svo fram af mér að ég get eigi orða bundist.
Ég minntist á að í Rofabænum hafi heimsmet verið sett. Með þremur hraðahindrunum og þrengingu á 300 metra löngum kafla. Nú er búið að bæta við fjórum nýjum hraðahindrunum á Rofabæinn. Sem betur fer ekki á þennan áðurnefnda kafla heldur á öðrum stöðum. Nú telur Rofabærinn TÍU hraðahindranir og eina þrengingu. Ég skýt á að þessar hindranir spanni um 1200 metra það er að meðaltali 120 m milli hindrana. Greinilegt er að hér fer á ferð mikil óráðsía. Félagi minn sagði mér að ein hraðahindrun kostaði um 150.000 kr. Ég þakka Sköllóttu Prímadonnunni fyrir þessar 600.000 kr sem hún hefur skellt í Árbæinn. Krónunum getur ekki verið betur varið. Ég bý í botnlangagötu. Í örlæti sínu útdeildi Drottning Borgarinnar okkur 30 km hámarkshraða í götunni, sem er hið besta mál. Við fengum líka umferðarskilti til að ítreka við okkur, okkar nýfengna hámarkshraða. Samkvæmt mínum skilningi þýðir umferðarmerkingin að innan þessa svæðis sem ekið er inná gildi 30 km. Ekki að í götunni gilti þessi hámarkshraði. Ég minni á að ég bý í botnlangagötu. Á léttari nótum þá sá ég Triple X í ónenfdu kvikmyndahúsi höfuðborgarsvæðisins. Gaman að sjá hvurnig leikur Vin Diesels fer vaxandi með hverri mynd. 12.10.02
Skotar eru yndislegar manneskjur. Í gærkvöldi gekk ég um götur Reykjavíkur, svo ég ljúgji nú ekki var eitthvað liðið á nóttina. Ég var að klára seinustu dreggjarnar ef fleygnum mínum, Gordon gini. Samtímis átti ég í spjalli við einhvern skota. Honum leist ekkert á þetta sem honum fannst ekki alvöru gin. Tanquree, eða hvurnig sem það er nú skrifað, fannst honum vera málið enda skoskt. Ég spéhræddur sem ég er bekennti að Tanquree væri mjög gott en samt ekki eins gott og Bombay ginið. Til að halda andlitunu sagði ég honum að móðir mín hefði keypt þetta gin handa mér í tollinum. Í þeim töluðu orðum gaf hann mér og móður sín hvora smáflöskuna af Tanquree.
Skotar eru snillingar. Áfram Skotland! 5.10.02
Háskóladeildin hefur hafið flug sitt á ný. Hefst hún á morgun. Minni á heimasíðu hennar: Háskóladeildin 3.10.02
Andleysi hefur gert vart um sig. Ég á við þann vanda að stríða að ég er aldrei við tölvu,nettengdur þegar mér lýstur hugmynd í koll að rita. Mörgum sinnum hef ég staðið sjálfan mig að því að hugsa þetta gæti orðið sniðug færsla. Melti hugmyndina. Svo sest ég niður framan við tölvuna og þessar snjöllu hugmyndir eru eins og sandkorn Sókratesar, fokin út í vindinn. Þetta vandamál trúi ég að fleiri kunni við að etja. Því er sá póll tekinn í hæðina að koma ekki með sjálfhverfar pælingar, um eðlli skrifanna og enn síður að fara út í einhvern retróspektívskan pakka. Sem er einkennandi þegar um skort á nýjum hugmyndum er að ræða. Hvað á ég að gera gæti maður spurt sig eins og margur alzheimer sjúklingurinn gerir, í andleysi kemur pælingin brot af því besta. Retróspekt og intróversía spunnin saman í eina heild órofa heild, sem er samnefnari uppgjafar. |
Músík
AthugulirEldri skrif
02/01/2001 - 03/01/2001
03/01/2001 - 04/01/2001
04/01/2001 - 05/01/2001
05/01/2001 - 06/01/2001
06/01/2001 - 07/01/2001
07/01/2001 - 08/01/2001
08/01/2001 - 09/01/2001
09/01/2001 - 10/01/2001
10/01/2001 - 11/01/2001
11/01/2001 - 12/01/2001
12/01/2001 - 01/01/2002
01/01/2002 - 02/01/2002
02/01/2002 - 03/01/2002
03/01/2002 - 04/01/2002
04/01/2002 - 05/01/2002
05/01/2002 - 06/01/2002
06/01/2002 - 07/01/2002
07/01/2002 - 08/01/2002
08/01/2002 - 09/01/2002
09/01/2002 - 10/01/2002
10/01/2002 - 11/01/2002
11/01/2002 - 12/01/2002
12/01/2002 - 01/01/2003
01/01/2003 - 02/01/2003
02/01/2003 - 03/01/2003
03/01/2003 - 04/01/2003
04/01/2003 - 05/01/2003
05/01/2003 - 06/01/2003
06/01/2003 - 07/01/2003
07/01/2003 - 08/01/2003
08/01/2003 - 09/01/2003
09/01/2003 - 10/01/2003
11/01/2003 - 12/01/2003
12/01/2003 - 01/01/2004
01/01/2004 - 02/01/2004
02/01/2004 - 03/01/2004
03/01/2004 - 04/01/2004
04/01/2004 - 05/01/2004
05/01/2004 - 06/01/2004
06/01/2004 - 07/01/2004
07/01/2004 - 08/01/2004
08/01/2004 - 09/01/2004
09/01/2004 - 10/01/2004
10/01/2004 - 11/01/2004
11/01/2004 - 12/01/2004
12/01/2004 - 01/01/2005
01/01/2005 - 02/01/2005
02/01/2005 - 03/01/2005
03/01/2005 - 04/01/2005
04/01/2005 - 05/01/2005
05/01/2005 - 06/01/2005
06/01/2005 - 07/01/2005
07/01/2005 - 08/01/2005
08/01/2005 - 09/01/2005
09/01/2005 - 10/01/2005
10/01/2005 - 11/01/2005
11/01/2005 - 12/01/2005
12/01/2005 - 01/01/2006
01/01/2006 - 02/01/2006
02/01/2006 - 03/01/2006
03/01/2006 - 04/01/2006
04/01/2006 - 05/01/2006
05/01/2006 - 06/01/2006
06/01/2006 - 07/01/2006
07/01/2006 - 08/01/2006
08/01/2006 - 09/01/2006
09/01/2006 - 10/01/2006
10/01/2006 - 11/01/2006
11/01/2006 - 12/01/2006
12/01/2006 - 01/01/2007
01/01/2007 - 02/01/2007
02/01/2007 - 03/01/2007
03/01/2007 - 04/01/2007
04/01/2007 - 05/01/2007
05/01/2007 - 06/01/2007
06/01/2007 - 07/01/2007
07/01/2007 - 08/01/2007
08/01/2007 - 09/01/2007
09/01/2007 - 10/01/2007
10/01/2007 - 11/01/2007
11/01/2007 - 12/01/2007
01/01/2008 - 02/01/2008
03/01/2008 - 04/01/2008
04/01/2008 - 05/01/2008
05/01/2008 - 06/01/2008
06/01/2008 - 07/01/2008
07/01/2008 - 08/01/2008
|
||||||
Hlekkir |